நீங்கள் தேடியது "விவசாயி வீட்டில் கொள்ளை"

ஈரோடு:

பவானி அடுத்த சீதபாளையம் மாரியம்மன் கோவில் தெருவை சேர்ந்தவர் தேவராஜ் (வயது 45). விவசாயி. தேவராஜ் நேற்று இரவு காற்றுக்காக வீட்டின் கதவு திறந்து வைத்து குடும்பத்துடன் தூங்கினார்.

இந்த சந்தர்ப்பத்தை பயன்படுத்திய மர்ம நபர் தேவராஜின் வீட்டுக்குள் புகுந்தார். பின்னர் வீட்டில் உள்ள பீரோவில் இருந்த 32 பவுன் நகையை கொள்ளையடித்துச் சென்றார்.

இன்று காலை கண் விழித்து பார்த்த தேவராஜ் பீரோ திறந்து இருப்பதை பார்த்து அதிர்ச்சி அடைந்தார். பின்னர் பீரோவை பார்த்தபோது பீரோவில் இருந்த 32 பவுன் நகை மாயமாகி இருப்பதை கண்டு அதிர்ச்சி அடைந்தார்.

இது குறித்து தேவராஜ் பவானி போலீஸ் நிலையத்திற்கு தகவல் கொடுத்தர். போலீசார் சம்பவ இடத்துக்கு விரைந்து வந்து வீட்டை பார்வையிட்டனர்.

மேலும் இது குறித்து வழக்குப்பதிவு செய்து விசாரணை மேற்கொண்டு வருகின்றனர். இந்த துணிகர கொள்ளை சம்பவம் பவானியில் பரபரப்பை ஏற்படுத்தி உள்ளது.

ராஜபாளையம்:

ராஜபாளையம் அருகே உள்ள முதுகுடியைச் சேர்ந்தவர் சமுத்திரம் (வயது60), விவசாயி. இவர் வீட்டை பூட்டி விட்டு குடும்பத்தினருடன் ராஜபாளையம் சென்றார்.

நேற்று மாலை அவர்கள் வீடு திரும்பினர். அப்போது மெயின் கதவு உடைக்கப்பட்டு இருந்ததை கண்டு அதிர்ச்சி அடைந்தனர். வீட்டினுள் சென்று பார்த்தபோது பீரோ திறந்து கிடந்தது. அதில் இருந்த துணிகள் வீடு முழுவதும் சிதறி கிடந்தன.

இதுகுறித்து ராஜபாளையம் தெற்கு போலீசாருக்கு தகவல் கொடுக்கப்பட்டது. சப்-இன்ஸ்பெக்டர் அய்யனார் மற்றும் போலீசார் விரைந்து வந்து விசாரணை நடத்தினர்.

பீரோவில் இருந்த 16 பவுன் தங்க நகைகள் கொள்ளைபோய் இருப்பதாக சமுத்திரம் தெரிவித்தார். வீட்டில் ஆள் இல்லாததை நோட்டமிட்டு யாரோ காம்பவுண்டு சுவரை தாண்டிக்குதித்து உள்ளே வந்து நகைகளை கொள்ளையடித்து இருக்கலாம் என போலீசார் கருதுகின்றனர். இதுகுறித்து தீவிர விசாரணை நடைபெற்று வருகிறது.